ह्वात्तै बढ्यो गर्मी, नेपालगन्जको तापक्रम ४३ डिग्री

बुटवल । केही दिनयता प्री मनसुन गतिविधि कमजोर भएपछि मुलुकका अधिकांश भेगमा गर्मी बढेको छ । सोही कारणले विहिवार नेपालगञ्जमा यस वर्षकै सबैभन्दा बढी गर्मी महसुस गरिएको छ ।

विहीवार नेपालगञ्जको अधिकतम तापक्रम ४३ डिग्री मापन भएको छ भने धनगढी र दिपायलको अधिकतम तापक्रम ४० डिग्री भन्दा माथि छ । धनगढीको तापक्रम ४२ दशमलव ४ र दिपायलको तापक्रम ४० दशमलव ३ डिग्री मापन भएको जल तथा मौसम पूर्वानुमान महाशाखाले जनाएको छ ।

बुधवार नेपालगञ्जको तापक्रम ४२ दशमलव २ डिग्री थियो भने धनगढीको ४२ दशमलव १ र दिपायलको ३९ दशमलव ४ डिग्री थियो । विरेन्द्रनगर, दाङ, भैरहवा, सिमरा सहित मध्य र पश्चिम तराईमा पनि गर्मी बढेको महाशाखाले जनाएको छ । विहीवार विरेन्द्रनगरको तापक्रम ३७ दशमलव ७, भैरहवा ३८ दशमलव ३, दाङ ३७ दशमलव ६ र सिमरामा ३६ दशमलव ५ डिग्री तापक्रम रेकर्ड भएको छ ।

केही दिनयता काठमाडौं, पोखरा, विराटनगर, धरान, जनकपुर र आसपासका भेगको तापक्रम पनि ३० डिग्री भन्दा माथि नै छ । नेपालसमाचार पत्रमा खबर छ ।
 

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

लोकप्रिय