मौसम पूर्वानुमान महाशाखाको भविष्यवाणी : तीन दिन भारी वर्षा
धरातल अनलाईन
२०७६ श्रावण ५ गते ०८:४६:०० मा प्रकाशित ५२
×
काठमान्डौं । पर्दै–रोकिँदै गरेको मनसुनी वर्षाले फेरि सक्रिय हुने संकेत देखाएको मौसमविद्हरूले बताएका छन । असार २६, २७ र २८ गते अविरल परेको वर्षा पछि मत्थर हुँदै गएको वर्षा फेरि सक्रिय हुने बाटोमा अग्रसर रहेको मौसमविद् मञ्जु बासीले बताईन।
विशेषगरी काठमाडौँ क्षेत्रमा अबको केही दिन भारी वर्षा हुने मौसम पूर्वानुमान महाशाखाले जनाएको छ । केही दिनयता राति र दिनमै पनि केही समय चर्को वर्षा राजधानीमा हुने गरेको छ । निकै आकाश खुले पनि छिनमै बादल लागेर भारी वर्षा भइरहँदा राजधानीका ठूला तथा साना नदीमा बाढी आउन सक्ने उनले बताईन ।
मनसुनको न्यूनचापीय रेखा नेपालको दक्षिणमा रहे पनि बङ्गालको खाडीबाट नेपाल प्रवेश गरेको जलवाचापयुक्त हावा र स्थानीय वायुको असरले मध्य र पूर्वमा मनसुन फेरि सक्रिय हुन थालेको उनको भनाइ छ । अबको तीन दिन देशका विभिन्न क्षेत्रमा भारी वर्षा हुने भविष्यवाणी महाशाखाले गरेको छ ।
प्रतिक्रिया थप्नुहोस्