बाँदरले लुम्पेकका किसानलाई रुम कि हाँसम बनाएपछि...

१५ रोपनीको मकै नष्ट

गुल्मी । गुल्मीको सत्यवति गाउँपालिका २ ठुलो लुम्पेक र वडा नं १ को अस्लेवाका किसान बाँदर आतंकबाट पीडित भएका छन् । खेतबारीमा लगाएको मकै तथा अन्य अन्तपात नष्ट गरेपछि किसानहरु समस्यामा परेको लक्ष्मीपुर माविका शिक्षक शेर बहादुर कुवँरले बताए । बाँदरले खेत बारीमा लगाएको मकै, आलु, गहुँ तथा घरमै गएर पनि अन्नपात खाने गरेको छ । 

भर्खरै १५ रोपनीको मकै नष्ट

बाँदरले सत्यवति २ ठुलोलुम्पेकका ढुसेनी, पाँदी, चेहेमी, ढाव, गुलम्दी, तथा वडा नं १ अस्लेवाको रामबारी र चौरलगायतका स्थानमा १५ रोपनी खेतबारीको मकै नष्ट गरेको धनपति कुवँरले धरातल अनलाईनलाई बताए । बाँदरले बैशाखमा मकै रोप्दा खोर्सेर खाने, अल्ली ठुलो भए गुवो खाने, फल लागेसी भाँचेर खाने तथा घरमै स्याहारेको अन्नपात समेत खाने गरेको छ ।

मंगलबार मात्रै स्थानीय धनपति कुवँर, हेमन्त कुवँर, देविराम कुवँर, फटिक कुवँर, हितलाल कुवँर र चिन्तालाल कुवँरलगायतका कृषकको खेतबारीमा लगाएको सवै मकै बाँदरले नष्ट गरेको छ । ‘खेति गरे बाँदरलाई भयो, महंङ्गो ट्याक्टर र खेतला लगाएर हुर्काउन मात्रै’ खुनी कला कुवँरले भनिन, ‘बर्षभरि कसरी पेट पाल्ने ।’ उनले पटक–पटक बर्षभरको दुख बाँदरले एक मिनेटमा सखाप पार्ने गरेको गुनासो पोखिन् । 

स्थानीय किसान बर्षौदेखि पीडित

ठुुलोलुम्पेक चेहेमीका ८७ बर्षीय थानेश्वर कुवँरले बाँदर धपाउन थालेको ६० बर्ष भए । उनले बाँदरको समस्या तन्नेरीदेखि थापा पाउँछन् । अहिले कपाल फुल्यो यद्यपी समस्या ज्यूँका त्यूँ छ । ‘यो एक दिनको समस्या भएन, बाँदरले बसाइँनै सर्ने बनाएको छ’ कुवँरले भने, ‘जहान केटा–केटी पाल्न मुस्किल प¥यो ।’ घाम उदाएदेखि रात नपरुन्जेल खेतबारीमै बस्नुपर्ने बाध्यता स्थानीय किसानलाई रहेको छ । 

महिला र बालबालिकालाई आक्रमण

बाँदरले किसानको अन्नपात मात्रै नभएर महिला तथा बालबालिकालाई आक्रमण समेत गर्ने गरेको छ । पहिले बाँदरको संख्या कम भएपनि अहिले एक हुलमा दुईदेखि तीन सय हुने गरेको हितलाल कुवँरले बताए । उनले कम संख्यामा हुँदा धपाउँदा भाग्ने भएपनि धेरैले मान्छेलाईनै आक्रमण गर्ने गरेको उनले बताए । खेतबारीमा जाँदा वा बालबालिका बिद्यालय र घाँस दाउरा गएको बेला समेत आक्रमण गर्ने गरेको कुवँरले बताए ।

व्यावस्थापन गर्न स्थानीय सरकारसँग माग

बाँदरले पटक–पटक सताउन थालेपनि स्थानीय किसानहरुले गाउँपालिका र वडा कार्यालयसंग व्यावस्थापनको लागि माग गरेका छन् । आफुहरुले स्थानीय, प्रदेश र केन्द्रिय चुुनावमा समेत भोट माग्नेसंग बाँदर व्यवस्थापनको माग गरेको स्थानीय पिताम्बर कुवँरले बताए । तर समस्या समाधानको लागि कुनै पहल भएको छैन् । उनले अहिले मौखिक जानकारी गराएकाले स्थानीय तह सकारात्मक नभए गाउँपालिका घेराउ गर्ने अवस्था आएको बताए । 

स्थायी व्यवस्थापन खोजिरहेका छौँ - गापा प्रमुख 

सत्यवति गाउँपालिका प्रमुख पारिश्वर ढकालले बाँदरबाट स्थानीय किसान धेरै पीडित भएकाले स्थायी व्यवस्थापनको बिकल्प नभएको बताए । ‘बाँदरले किसान अत्यन्तै पीडित भएका छन्, एक्छिन धपाएर भएन’ उनले भने, ‘दिर्घकालिन व्यवस्थापनको उपाय खोजिरहेका छौँ ।’ ढकालले एक बर्ष एक÷डेढ लाख बजेट छुट्याएर क्षणिक बिवल्प खोज्दैमा समस्याको समाधान नहुने बताए ।

प्राप्त प्रतिकृयाहरू

यसमा तपाइको मत

प्रतिक्रिया थप्नुहोस्

लोकप्रिय