१० हजार हेक्टरभन्दा बढी वन अतिक्रमण
कपिलवस्तु । कपिलवस्तु जिल्लामा साढे १० हजार हेक्टरभन्दा बढी वनक्षेत्र अतिक्रमणको चपेटामा परेको छ । जिल्लाको उत्तरी क्षेत्रमा पर्ने वनको जग्गा विभिन्न व्यक्ति, संघसंस्था, विद्यालय, मठमन्दिरको नाममा अतिक्रमण गरिएको हो ।
वन डिभिजन कार्यालयका अनुसार जिल्लामा १० हजार ६ सय ४४ हेक्टर वन अतिक्रमणमा परेको छ । भूउपयोग चित्र २००१ अनुसार कपिलवस्तु जिल्लामा ६२ हजार एक सय १२ हेक्टर वनक्षेत्र छ । जिल्लामा पटना, गुगौली, खरेन्द्रपुर, वीरपुर र बिसुनपुर इलाका वन कार्यालयअन्तर्गतको क्षेत्र बढी अतिक्रमणमा परेको छ ।
त्यसै क्रममा सबैभन्दा बढी जिल्लाको बाणगंगा नगरपालिकाको पटनामा सबैभन्दा बढी वनक्षेत्र अतिक्रणमा परेको वन डिभिजन कार्यालय कपिलवस्तुको प्रतिवेदनमा उल्लेख गरिएको छ ।
बाणगंगा नगरपालिका–४ साविकको पटना गाविसअन्तर्गत पर्ने वनक्षेत्रको आधाभन्दा बढी भाग अतिक्रमणमा परेको छ । त्यहाँको कलु वनक्षेत्र तीन हजार पाँच सय हेक्टरबाट खुम्चिएर करिब एक हजार ६ सय हेक्टरमा सीमित भएको छ ।
वर्षौँदेखि अतिक्रमणको चपेटामा परेको सो क्षेत्रमा एक हजार आठ सय पाँच हेक्टर वन विभिन्न बहानामा मासिएको छ । नागरिक दैनिकमा किरणमान बज्राचार्यले समाचार लेखेका छन ।
प्राप्त प्रतिकृयाहरू
यसमा तपाइको मत
सम्बन्धित खबर
-
उखु किसानलाई रुवाईरहेका वीरेन्द्र कनौडिया, तिरेनन् १५ करोड
-
कालीगण्डकीको ८० प्रतिशत पानी तिनाउमा लैजाने योजना
-
बाढीपहिरोले वितण्डा मच्याउन थालिसक्यो, बल्ल योजना बनाउँदै प्रदेश सरकार
-
जेठ २ र ४ गते कोरोनाबाट आमाबाबु गुमाएकी देवीको बस दुर्घटनामा मृत्यु
-
३० अर्बमा चुनाव गराउन तयार सरकारले अस्पतालमा जनरल बेडसमेत थप्न किन सक्दैन ?
प्रतिक्रिया थप्नुहोस्