मुख्यमन्त्रीहरुको विदेश भ्रमणबारे कूटनीतिक निकाय बेखबर
बुटवल । प्रदेशका मुख्यमन्त्रीहरू कूटनीतिक निकायलाई खबरै नगरी विदेश भ्रमणमा जान थालेका छन । कोही मुख्यमन्त्री गैरआवासीय नेपालीको सम्मेलनमा भाग लिन त कोही भगिनी सम्बन्ध कायम गर्न भन्दै आफूखुसी विदेश भ्रमणमा निस्किएका हुन । उनीहरूको भ्रमणलाई लिएर कूटनीतिक क्षेत्रमा बहस हुन थालेको छ ।
परराष्ट्रमन्त्री प्रदीप ज्ञवालीले बुधबार चिनियाँ समकक्षी वाङ यीसँग दुईपक्षीय वार्ता गरिरहँदा प्रदेश ३ का मुख्यमन्त्री डोरमणि पौडेल गान्सुको लान्झाओ र प्रदेश ५ का मुख्यमन्त्री शंकर पोख्रेल सछुवान (सिचुवान) मा थिए ।
मुख्यमन्त्रीहरूले चिनियाँ अधिकारीसँग गरेको वार्ताबारे कूटनीतिक निकाय बेखबर छ । उनीहरूको भेटमा कूटनीतिक प्रतिनिधिको उपस्थिति पनि थिएन । बेइजिङस्थित दूतावासका अधिकारीले मुख्यमन्त्रीको भ्रमणबारे जानकारी भए पनि अन्य विषयमा अनभिज्ञता प्रकट गरे । उनीहरुको गतिविधि र भेटघाटलाई नेपाली दूतावासले ‘नोट’ गरेको छैन । साथै भगिनी सहर सम्बन्धमा साक्षी बस्न पनि दूतावासका अधिकारी गएका छैनन ।
सरकारले भ्रमणबारे जानकारी नराख्ने हो भने सबैले आफ्नै तरिकाले कूटनीति चलाए भइहाल्यो भन्दै परराष्ट्र मन्त्रालयका उच्च अधिकारीहरूले गम्भीर चासो देखाएको प्रधानमन्त्री कार्यालय स्रोतले बतायो । अन्नपूर्ण पोस्ट दैनिकमा चन्द्रशेखर अधिकारीले समाचार लेखेका छन ।
प्राप्त प्रतिकृयाहरू
यसमा तपाइको मत
सम्बन्धित खबर
-
उखु किसानलाई रुवाईरहेका वीरेन्द्र कनौडिया, तिरेनन् १५ करोड
-
कालीगण्डकीको ८० प्रतिशत पानी तिनाउमा लैजाने योजना
-
बाढीपहिरोले वितण्डा मच्याउन थालिसक्यो, बल्ल योजना बनाउँदै प्रदेश सरकार
-
जेठ २ र ४ गते कोरोनाबाट आमाबाबु गुमाएकी देवीको बस दुर्घटनामा मृत्यु
-
३० अर्बमा चुनाव गराउन तयार सरकारले अस्पतालमा जनरल बेडसमेत थप्न किन सक्दैन ?
प्रतिक्रिया थप्नुहोस्