काठेखोलाको पाला र धम्जामा युवा र महिला निर्वाचन परिचालन कमिटि गठन
धरातल अनलाईन
२०७९ कार्तिक २६ गते शनिबार २१:४५:०० मा प्रकाशित
×
बागलुङ । मंसिर ४ गते हुने प्रतिनिधि तथा प्रदेश सभा निर्वाचन नजिकिदैँ गर्दा बागलुङमा एमालेका उम्मेदवारहरु घरदैलो कार्यक्रमलाई तीव्रता दिएका छन् ।
उम्मेदवारहरुको घरदैलो तथा कार्यकर्ता भेटघाट कार्यक्रम अन्तरगत एमालेको काठेखोला गाउँपालिका–३ धम्जा तथा वडा नम्बर १ पालमामा विभिन्न निर्वाचन परिचालन कमिटि गठन गरेको छ ।
धम्जामा १ सय १ सदस्यीय वडास्तरीय युवा परिचालन कमिटि, ७५ सदस्यीय महिला परिचालन कमिटीको गठन गरिएको एमाले जिल्ला सचिवालय सदस्य तथा कार्यालय सचिव अमर बहादुर थापाले जानकारी दिए ।
उनका अनुसार पालामा पनि वडास्तरीय निर्वाचन परिचालन कमिटी, युवा परिचालन कमिटी, महिला परिचालन कमिटी गठन गरिएको छ ।
प्रतिक्रिया थप्नुहोस्