नवलपरासीमा धारिलो हतियार प्रयोग गरी बागलुङ बडिगाडका पुनको हत्या

अनिष पाठक
२०७९ मङ्सिर ७ गते बुधबार २०:३६:०० मा प्रकाशित

बर्दघाट । पश्चिम नवलपरासीको बर्दघाटमा धारिलो हतियार प्रयोग गरी बागलुङ बडिगाडका एक जनाको हत्या भएको छ ।

बर्दघाट बजारको एक खाजाघरमा मंगलबार बेलुका बडिगाड गाउँपालिका वडा नं. ४ जलजलाका ४६ बर्षिय दिलिपकुमार पुनको हत्या भएको जिल्ला प्रहरी कार्यालय पश्चिम नवलपरासीले जनाएको छ ।

साथै बडिगाड जलजलाकै अन्दाजी ४६ वर्षिय विष्णु काउचामाथि पनि आक्रमण गर्दा उनी घाइते भएकि छिन । उनको भैरहवा मेडिकल कलेजमा उपचार भैरहेको र अबस्था गम्भिर रहेको जिल्ला प्रहरी कार्यालय पश्चिम नवलपरासीका डिएसपी तथा शुचना अधिकारी भोजराज पाण्डेले जानकारी दिए ।

यसैविच प्रहरीले घटनामा संलग्न रहेका बर्दघाट २ चिसापानीका ५० वर्षिय ज्ञानेन्द्र बहादुर रानालाई आज विहान प्रकाउ गरेको छ । प्रकाउ परेको रानाले समेत आफुले हत्या गरेको प्रहरी समक्ष स्वीकार गरेको पाण्डेले बताए ।

रानाले महिलासंगको व्यक्तीगत सम्बन्धका कारण आफुले हत्या गरेको प्रहरी सामु स्वीकार गरेको प्रहरीले जनाएको छ । मृतक परिवारबाट जाहेरी नपरेको कारण रानालाई सार्वजकिन भने नगरिएको प्रहरीको भनाई छ ।