गजल
×
बिर्सन नसकेर सम्झेको पो कहाँ हो र ?
निदाउन नचाहेर व्यूँझेको पो कहाँ हो र ?
मालचरीझैं लहरमा आउँछन् जान्छन् यादहरू
तरङ्ग नटुटेर अल्झेको पो कहाँ हो र ?
किराको लोभले बल्छी खाइरहेको माछोझैं
परिवेश नबुझेर बल्झेको पो कहाँ हो र ?
अरूलाई आफूझैं ठान्नु दीर्घ रोग नै हो मेरो
ओखती नपाएर उल्झेको पो कहाँ हो र ?
मन न हो उब्जाउँछ प्रश्नहरू तरह तरहका
सुल्झाउन नजानेर सुल्झेको पो कहाँ हो र ?
प्राप्त प्रतिकृयाहरू
यसमा तपाइको मत
सम्बन्धित खबर
लोकप्रिय
प्रतिक्रिया थप्नुहोस्