गुल्मी । युवराज भुसालको ‘हाम्रो भौगोलिक इतिहास’ नामक पुस्तक लोकर्पण गरिएको छ । किरण पुस्तकालयको आयोजनामा शुक्रबार रेसुङ्गा नगरपालिकामा मेयर डिल्लीराज भुसालले पुस्तकको लोकार्पण गरे ।
कार्यक्रममा प्रमुख जिल्ला अधिकारी पुन्यविक्रम पौडेल, मदाने गाउँपालिका प्रमुख दान बहादुर केसी, प्रहरी उपरीक्षक गोपाल चन्द्र भट्टराई, साहित्यकार तथा समाजसेवी नारायण भट्टराई लगायतको उपस्थित रहेको थियो ।
सोही अवसरमा रेसुङ्गा–९ का गोकर्ण मरासिनी र वडा न ५ का थानेश्वर खनाल पुस्तकालयको आजिवन सदस्य बनेका छन् ।
पुस्तकालयले विभिन्न साहित्यकारहरुका पुस्तक संकलन, साहित्यिक गतिविधि र हाम्रो पुरुषार्थ प्रकाशन गर्दै आएको किरण पुस्तकालयका अध्यक्ष शशी पन्थीले जानकारी दिए ।
कार्यक्रममा साहित्यकार थानेश्वर खनाल, लक्ष्मण रिजाल, नमोनारायण पन्थी र रामप्रसाद पन्थीले कविता वाचन गरेका थिए ।
किरण पुस्तकालयका उपाध्यक्ष दिन पन्थीले पुस्तक र लेखकको बारेमा जानकारी गराएका थिए । कार्यक्रममा उपस्थिति प्रमुख अतिथी लगायतका बक्ताले किरण पुस्तकालयको योगदान, लेखक र लेखका बारेमा चर्चा गरे ।
प्रतिक्रिया थप्नुहोस्